علامہ اقبال کی شاعری

[جاسم منیر]

علامہ اقبال رح، بیسویں صدی کے ایک عظیم شاعر اور مفکر۔ جنکی شاعری میں ہمیں شکوہ بھی نظر آتا ہے، اسلامی تاریخ بھی نظر آتی ہے، مسلمانوں کی موجودہ حالت بھی نظر آتی ہے، اور کہیں اسکا حل بھی نظر آتا ہے۔جہاں اپنی شاعری میں انہوں نے خودی پر بہت زور دیا ہے، وہیں شرک اور توحید سے دوری کا تذ کرہ بھی کیا ہے۔ جہاں بہت سے لوگ ان پر کفر کا فتویٰ لگاتے ہیں، وہیں لوگوں کی اکثریت انکی شاعری سے بہت کچھ سیکھتی بھی ہے۔
اس بات سے قطع نظر کہ علامہ اقبال رح کا تعلق کس مکتبہ فکر سے تھا، اس تھریڈ میں ان شاءاللہ ہم علامہ اقبال کی شاعری شئر کریں گے۔ آپ سب لوگوں سے گزارش ہے کہ درج ذیل باتوں کا خیال رکھیں:
1۔ ایک رکن ایک وقت میں ایک ہی شعر یا نظم شئر کرے
2۔ اشعار اردو یا فارسی دونوں زبانوں میں ہو سکتے ہیں۔ اگر کوئی فارسی قطعہ شئر کریں تو اسکا ترجمہ بھی لکھ دیں تو بہتر ہو گا
3۔ تنقید سے پرہیز کریں

تو سب سے پہلے میں آغاز کرتا ہوں:

یہ راز کسی کو نہیں معلوم کہ مؤمن
قاری نظر آتا ہے حقیقت میں ہے قرآن

[نعمان نیر کلاچوی]

تقلید سے ناکارہ نہ کراپنی خودی کو
کر اسکی حفاظت کہ یہ ہے گہر یگانہ
اقبال از ارمغان حجاز

[محمد زاہد بن فیض]

نقش توحید کا ہر دل پہ بٹھایا ہم نے
زیر خنجر بھی یہ پیغام سنایا ہم نے

[جاسم منیر]

ہر کوئی مست مئے ذوقِ تن آسانی ہے
تم مسلمان ہو؟ یہ اندازِ مسلمانی ہے؟
حیدری فقر ہے ، نے دولت عثمانی ہے
تم کو اسلاف سے کیا نسبتِ روحانی ہے
وہ زمانے میں معزز تھے مسلماں ہو کر
اور تم خوار ہوئے تارک ِ قرآں ہو کر
(جواب شکوہ)

[ابوابراہیم]

لب پہ آتی ہے دُعا بن کے تمنا میری

زندگی شمع کی صورت ہو خدایا میری!

دور دنیا کا مرے دم سے اندھیرا ہو جائے!

ہر جگہ میرے چمکنے سے اجالا ہو جائے!




ہو مرے دم سے یونہی میرے وطن کی زینت

جس طرح پھول سے ہوتی ہے چمن کی زینت




زندگی ہو مری پروانے کی صورت یا رب!

علم کی شمع سے ہو مجھ کو محبت یارب!

ہو مرا کام غریبوں کی حمایت کرنا

درمندوں سے صعیفوں سے محبت کرنا

مرے اللہ! بُرائی سے بچانا مجھ کو

نیک جو راہ ہو اس رہ پہ چلانا مجھ کو

[جاسم منیر]

عقابی روح جب بیدار ہوتی ہے جوانوں میں
نظر آتی ہے اس کو اپنی منزل آسمانوں میں
نہ ہو نومید ، نومیدی زوال علم و عرفاں ہے
امید مرد مومن ہے خدا کے رازدانوں میں
نہیں تیرا نشیمن قصر سلطانی کے گنبد پر
تو شاہیں ہے ، بسیرا کر پہاڑوں کی چٹانوں میں
بالِ جریل

[ابوابراہیم]

آنکھ جو کچھ دیکھتى ہے‌, لب پہ آسکتا نہیں
محو حیرت ہوں کہ دنیا کیا سے کیا ہو جائے گى

[قاسم]

نکلی تو لبِ اقبال سے ہے پر جانے کس کی ہے یہ صدا
پیغامِ سکوں پہنچا بھی گئ دل محفل کا تڑپا بھی گئ

[ساجد تاج]

اسحاق نے لکھا ہے ۔۔

لب پہ آتی ہے دُعا بن کے تمنا میری

زندگی شمع کی صورت ہو خدایا میری!

دور دنیا کا مرے دم سے اندھیرا ہو جائے!

ہر جگہ میرے چمکنے سے اجالا ہو جائے!




ہو مرے دم سے یونہی میرے وطن کی زینت

جس طرح پھول سے ہوتی ہے چمن کی زینت




زندگی ہو مری پروانے کی صورت یا رب!

علم کی شمع سے ہو مجھ کو محبت یارب!

ہو مرا کام غریبوں کی حمایت کرنا

درمندوں سے صعیفوں سے محبت کرنا

مرے اللہ! بُرائی سے بچانا مجھ کو

نیک جو راہ ہو اس رہ پہ چلانا مجھ کو

اسحاق کیا شیئرنگ کی ہے

سکول کا زمانہ یاد کروا دیا

[جاسم منیر]

آتی ہے دمِ صبح صدا عرشِ بریں سے
کھو گیا کس طرح ترا جوہرِ ادراک

کس طرح ہوا کند ترا نشترِتحقیق
ہوتے نہیں‌ کیوں تجھ سے ستاروں کے جگر چاک

تو ظاہروباطن کی خلافت کا سزاوار
کیا شعلہ بھی ہوتا ہے غلامِ خس و خاشاک

مہر و مہ و انجم نہیں‌ ترے محکوم کیوں
کیوں تیری نگاہوں سے لرزتے نہیں افلاک

اب تک ہے رواں گرچہ لہو تیری رگوں میں
نے گرمئ افکار ، نہ اندیشہ بے باک

روشن تو وہ ہوتی ہے ، جہاں بیں نہیں ہوتی
جس آنکھ کے پردوں میں نہیں ہے نگہ پاک

باقی نہ رہی تیری وہ آئینہ ضمیری
اے کشتہ سلطانی و ملائی و پیری

[قاسم]

ستاروں سے آگے جہاں اور بھی ہیں
ابھی عشق کے امتحاں اور بھی ہیں

[ٹرومین]

کسے نہیں ہے تمنائے سروری ، لیکن
خودی کی موت ہو جس میں وہ سروری کیا ہے !

[قاسم]

آتا ہے یاد مجھ کو گزرا ہوا زمانہ
وہ باغ کی بہاریں وہ سب کا چہچہانا

[irum]

بہت خوب

[محمد آصف مغل]

خودی کا سر نہاں لا الہ الا اللہ
خودی ہے تيغ، فساں لا الہ الا اللہ

يہ دور اپنے براہيم کی تلاش ميں ہے
صنم کدہ ہے جہاں، لا الہ الا اللہ

کيا ہے تو نے متاع غرور کا سودا
فريب سود و زياں ، لا الہ الا اللہ

يہ مال و دولت دنيا، يہ رشتہ و پيوند
بتان وہم و گماں، لا الہ الا اللہ

خرد ہوئی ہے زمان و مکاں کی زناری
نہ ہے زماں نہ مکاں، لا الہ الا اللہ

يہ نغمہ فصل گل و لالہ کا نہيں پابند
بہار ہو کہ خزاں، لا الہ الا اللہ

اگرچہ بت ہيں جماعت کي آستينوں ميں
مجھے ہے حکم اذاں، لا الہ الا اللہ